Хэвлэл мэдээллийн зөвлөлөөс “Мэдрэмжтэй мэдээлье” редакц чадавхжуулах сургалтыг гурав дахь жилдээ хэрэгжүүлж байна. Тус сургалтад 2024 оны нэгдүгээр улиралд NTV телевиз, Дархан-Уул аймгийн DBS телевиз болон хэвлэл мэдээллийн 45 мэргэжилтэн хамрагдсан бол 8 дугаар сарын 30-ны өдөр Itoim сайтын хамт олон энэхүү сургалтад хамрагдаж эхэллээ.

Төв Азийн орнуудын хэвлэл мэдээллийн өөрийн зохицуулалтын байгууллагуудтай хамтран ажиллах санамж бичгийн хүрээнд байгуулагдсан өөрийн зохицуулалтын байгууллагуудын бүс нутгийн сүлжээний цахим уулзалт 2024 оны 6 дугаар сарын 27-ны өдөр боллоо. Энэхүү уулзалтад Хэвлэл мэдээллийн зөвлөл /ХМЗ/ болон Казахстан, Киргизстан, Узбекстан, Тажикстаны хэвлэл мэдээллийн өөрийн зохицуулалтын байгууллагууд оролцож нэг жилийн хугацаанд хэвлэл мэдээллийн салбарт гарсан ахиц, тулгамдаж буй асуудал, тэр дундаа мэргэжлийн сэтгүүл зүйн өнөөгийн байдал, хэвлэл мэдээллийн ёс зүйн төлөвшил, сэтгүүлчдийн эрхийн асуудал, хууль эрх зүйн орчин хэвлэл мэдээлэлд хэрхэн нөлөөлж буй талаар өргөн хүрээнд мэдээлэл солилцлоо. 

Уулзалтын дүнд, Зүүн Өмнөд Азийн улс орнууд хэвлэл мэдээллийн хөгжил, ёс зүйн өөрийн зохицуулалтын талаар харилцан туршлага хуримтлуулах, хамтарсан уулзалт хэлэлцүүлэг хийх зэргээр хамтын ажиллагаа хөгжүүлэх боломжтой талаар талууд санал нэгдэв. 

Хэвлэл мэдээллийн зөвлөлийн Сонин, Сэтгүүл, Сайтын ёс зүйн хорооны 2024 оны хоёрдугаар улирлын хурал зургаадугаар сарын 21-ний өдөр болж, хоёр гомдол гаргагчаас ирүүлсэн таван редакцад холбогдох гомдлыг хэлэлцлээ.

Улсын Их Хурлын сонгууль маргааш болно. Энэ түүхэн өдөр сэтгүүлчид, редакцууд мэргэжлийн зарчмаа мөрдөж, сонгогчдод тэнцвэртэй, ёс зүйтэй мэдээлэл хүргэх үүргээ чанд баримталж ажиллахыг уриалж байна.

Иргэний нийгмийн байгууллагууд хариуцлагатай, ил тод, бие даасан байдлаа бэхжүүлэхэд анхаарч ажиллахаа илэрхийллээ