МСНЭ-ээс 2020 оны 12 дугаар сарын 17-нд зохион байгуулсан хэвлэл мэдээллийн эвсэл холбоод, мэргэжлийн байгууллагуудын нэгдсэн хуралдаанаар Хэвлэлийн эрх чөлөөний тухай хуулийн төслийг шинэчлэн боловсруулах дөрвөн ажлын хэсэг байгуулагдсан бөгөөд Хэвлэл мэдээллийн зөвлөл хуулийн ажлын хэсгийг ахалж ажиллахаар боллоо.

Хөл хорионы үед иргэн бүрийн суурь эрх болох үгээ хэлэх, үзэл бодлоо илэрхийлэх, хэвлэн нийтлэх эрх чөлөөний хэрэгжилт хэр түвшинд байгаа, мэдээ сурвалжилга бэлтгэн түгээхэд сэтгүүлчдэд ямар саад бэрхшээл тулгарч буй талаар хэвлэл мэдээллийн салбарын эвсэл, холбоод 12 дугаар сарын гурванд цахимаар хэлэлцлээ.

ХМЗ-ийн Удирдах зөвлөлийн 2020 оны дөрөвдүгээр хурал 11 дүгээр сарын 10-нд боллоо. Хурлаар энэ оны гуравдугаар улирлын үйл ажиллагаа болон санхүүгийн гүйцэтгэлийг хэлэлцэж, 2020 оны дөрөвдүгээр улирлын төлөвлөгөө, төсвийг батлав. ХМЗ-ийн санхүүгийн тогтвортой байдлыг хангах стратегийн хүрээнд хэвлэл мэдээллийн өөрийн зохицуулалтыг дэмжигч байгууллагын хэрэгцээ шаардлагыг хэлэлцэж энэ чиглэлийн туршлага судлах үүргийг гүйцэтгэх захиралд өглөө. Түүнчлэн ХМЗ-ийн дүрмийн дагуу Удирдах зөвлөлд цахим сайтын сэтгүүлчдийг төлөөлөх нэг гишүүнийг сонгов.

Хэвлэл мэдээллийн зөвлөл салбарын өөрийн зохицуулалтын талаарх ойлголт, мэдлэгийг дээшлүүлэх, ёс зүйн зарчмыг танилцуулах ажлаа үргэлжлүүлэн /2020.11.05/ Gogo агентлагийн сэтгүүлчидтэй уулзлаа. Уулзалтад 20 гаруй сэтгүүлчид оролцсон юм.

​​​​​​​Хэвлэл мэдээллийн оролцоо ба цахим орчинд үйлдэгдэж буй хүүхдийн эсрэг хүчирхийлэл сэдэвт сургалтад ХМЗ-ийн гүйцэтгэх захирал Г.Гүнжидмаа сургагчаар оролцлоо. Ингэхдээ “Хэвлэл мэдээллийн өөрийн зохицуулалтаар хүүхдийн эрхийг хамгаалах нь” агуулгын хүрээнд Монголын хэвлэл мэдээллийн өнөөгийн төлөв байдал, хэвлэл мэдээллийн өөрийн зохицуулалт ба хүүхэд хамгаалал сэдвийн хүрээнд  мэдээлэл солилцлоо.

Хэвлэл мэдээллийн зөвлөлөөс цаг үеийн нөхцөл байдалтай уялдуулан “Бүх нийтийн бэлэн байдлын үед сэтгүүл зүйд тулгарч буй асуудлууд” сэдэвт сэтгүүлч, редакторуудын цахим уулзалт, хэлэлцүүлгийг зохион байгууллаа. Цахим хэлэлцүүлэгт хэвлэл мэдээллийн салбарын 30 орчим төлөөлөл оролцсон бөгөөд хорио цээрийн дэглэмтэй холбоотойгоор сэтгүүл зүй мэргэжлийн үүргээ гүйцэтгэх нөхцөл, боломж хумигдаж байгаа талаар хэлэлцсэн юм.

Хэвлэл мэдээллийн зөвлөлийг үүсгэн байгуулах санаачлагчид болох Медиа Консул Монгол клубийнхэн таван жилийн дараа эргэн уулзлаа. Уулзалтаар клубийг анх байгуулж байсан үе болоод ямар үйл ажиллагаа явуулдаг байсан тухай дурсамж түүхээ хуваалцан, ХМЗ-ийн өнөөгийн байдал, хүрсэн үр дүн, амжилтын талаар санал бодлоо хуваалцлаа.

2020 оны 10 дугаар сарын 7-9-ний өдрүүдэд Төв Азийн хэвлэл мэдээллийн 22-р бага хурал цахимаар болж өнгөрлөө. Европын Аюулгүй байдал, хамтын ажиллагааны нийгэмлэгээс зохион байгуулдаг тус бага хуралд ХМЗ-ийн Гүйцэтгэх захирал Г.Гүнжидмаа оролцож, “Цар тахлын үеийн Монголын хэвлэл мэдээллийн байдал” сэдвийн хүрээнд илтгэл танилцууллаа. Тэрээр илтгэлдээ хэвлэл мэдээллийн эрх зүйн зохицуулалтын эерэг болон сөрөг нөлөө, хэвлэл мэдээллийн өөрийн зохицуулалтын ашиг тус болон сайн туршлагууд, цар тахлын үеийн хэвлэлийн эрх чөлөөнд тулгамдаж буй асуудлуудын талаар танилцуулж, санал бодлоо хуваалцсан юм. 

Хэвлэл мэдээллийн бодлого дугуй ширээний ярилцлага тав дахь удаагаа 10 дугаар сарын 28-нд амжилттай болж өнгөрлөө. Энэхүү уулзалт ярилцлагыг 2017 оноос эхлэн Хэвлэл мэдээллийн зөвлөл, Фридрих-Эбертийн сангаас хамтран зохион байгуулж байгаа билээ. Энэ удаагийн уулзалтыг “Сонгуулийн үеийн хэвлэл мэдээллийн эрх зүйн зохицуулалт ба ёс зүй” гэсэн сэдвийн хүрээнд хийв.

Хэвлэл мэдээллийн зөвлөл жилд хоёр удаа бүх гишүүддээ зориулсан сургалтыг тогтмол хийж, хэвлэл мэдээллийн өөрийн зохицуулалтын чадавхийг бэхжүүлсээр ирсэн. Арван гуравдахь удаагийн ээлжит сургалтыг 2020 оны аравдугаар сарын 17-18-ны өдрүүдэд Тэнгэрийн элч баазад амжилттай зохион байгууллаа. 

Хэвлэл мэдээллийн зөвлөлийнхөн ээлжит редакцын уулзалтаа 10 дугаар сарын 12-нд eguur.mn сайтын хамт олонтой хийлээ. Тус сайт нь мэргэжлийн сэтгүүл зүйн үйл ажиллагаагаа эхлүүлээд хоёр дахь жилдээ ажиллаж байна.  

Хэвлэл мэдээллийн зөвлөл энэ удаад Өрөг.мн сайтын хамт олонтой уулзаж, салбарын өөрийн зохицуулалтын үр өгөөж, хэвлэлийн эрх чөлөө, мэдээлэл олж авах эрхийн талаар ярилцлаа.

 Хэвлэл мэдээллийн зөвлөл ээлжит редакцын уулзалтаа С1 телевизийн хамт олонтой 9 дүгээр сарын 16-ны өдөр хийлээ. Уг уулзалтад тус телевизийн мэдээний редакцын сэтгүүлчид оролцлоо.

 Хэвлэл мэдээллийн зөвлөл ээлжит өглөөний уулзалтаа /2020.09.11/ Медиа группын сэтгүүлч, уран бүтээлчидтэй хийлээ. Медиа группэд өргөн нэвтрүүлгийн NTV телевиз, time.mn сайт харъяалагддаг бөгөөд тэдгээрийн 20 гаруй сэтгүүлчид уулзалтад оролцлоо. 

Хэвлэл мэдээллийн зөвлөл ээлжит редакцын уулзалтаа 9 дүгээр сарын 8-ны өдөр эрэн сурвалжлах сэтгүүл зүйн чиглэлээр ажилладаг erennews.mn сайтын хамт олонтой хийлээ.  Уулзалтын үеэр ХМЗ-ийн  Гүйцэтгэх  захирал  Г.Гүнжидмаа “Хэвлэл мэдээллийн өөрийн зохицуулалтын гол үр дүн нь редакцууд иргэний гомдолд хариу тайлбараа өгч, шаардлагатай бол залруулга гаргадаг соёл нэмэгдэж байна. Мөн ХМЗ-ийн санхүүжилтын 20 хувийг редакцуудаас бүрдүүлж буй нь өөрийн зохицуулалтын институтыг дэмжиж буй хэлбэр юм” гэдгийг онцоллоо. 

Хэвлэл мэдээллийн зөвлөл ээлжит редакцын уулзалтаа LiveTV телевизийн сэтгүүлчидтэй хийлээ. Уулзалтын үеэр хэвлэл мэдээллийн өөрийн зохицуулалтын үр дүн болон эрх зүйн өнөөгийн байдал, сэтгүүлчийн аюулгүй байдлын талаар ярилцсан юм. Харин редакцын зүгээс ХМЗ-ийн үйл ажиллагаа, бүтэц бүрэлдэхүүн болоод гишүүнээ хэрхэн сонгодог талаар тодрууллаа. 

Хэвлэл мэдээллийн зөвлөлийн төлөөлөл 8 дугаар сарын 28-ны өдөр уул уурхай, эдийн засгийн төрөлжсөн англи, монгол хэл дээрх Монголын анхны сэтгүүл болох “The Mongolian Mining Journal” сэтгүүлийн хамт олонтой өглөөний уулзалт хийлээ. 

Хэвлэл мэдээллийн зөвлөл энэ удаагийн редакцийн уулзалтаа ТВ9 телевизийн мэдээний албаны сэтгүүлчидтэй хийлээ. Уулзалтыг хэвлэл мэдээллийн өөрийн зохицуулалтын таван жилийн туршлага, сургамжийн талаар хэлэлцүүлгээр эхлүүллээ.  

Хэвлэл мэдээллийн зөвлөл нь салбарын өөрийн зохицуулалтын талаарх ойлголт, мэдлэгийг дээшлүүлэх, ёс зүйн зарчмыг танилцуулах ажлын хүрээнд хэвлэл мэдээллийн эвсэл холбоод, редакц, сэтгүүлчид, сэтгүүл зүйн оюутнууд, бусад төрийн болон төрийн бус байгууллагуудад зориулсан сургалт, уулзалт, хэлэлцүүлгийг зохион байгуулсаар байгаа. 

Хэвлэл мэдээллийн зөвлөлөөс сэтгүүл зүйн мэргэжлийн редакцууд болон сэтгүүлч, сурвалжлагчдад зориулсан “Сонгуулийг ёс зүйтэй сурвалжлах бодлогын баримт бичиг”-ийг санаачлан боловсруулснаа толилуулж байна.